Facebook-ის შემქმნელმა, მარკ ცუკერბერგმა სან-ფრანცისკოში ახალი საფოსტო სერვისის პრეზენტაცია გააკეთა. ახალი სისტემის განსაკუთრებულობა მდგომარეობს იმაში, რომ სერვისი აერთიანებს სოციალური ქსელის შეტყობინებებს, SMS-ებს, ჩათის საუბრებს და ელექტრონულ წერილებს ერთ საფოსტო ყუთში მისამართზე @facebook.com. ავტომატურ რეჟიმში მოხდება მეგობრების შეტყობინებების დაჯგუფება ცალკე განყოფილებაში. მარკ ცუკერბერგმა ახალ სერვისს ”დამატება” უწოდა და ხაზგასმით აღნიშნა, რომ არ აპირებს კონკურენციის გაწევას მსხვილი საფოსტო სერვისებისთვის. ახალი სერვისი ხელმისაწვდომი იქნება Facebook-ის ყველა მომხმარებლისთვის. ასევე აღსანიშნავია, რომ ამ სერვისისთვის Facebook გეგმავს მოკლე მისამართის fb.com გაშვებას.